[Verse 1]
Vaajtswv, thov Koj foom koob moov rua
Peb cov ntseeg kws nyob ntawm nuav,
Koj yog tug kws muaj sab dlawb-paug
Peb txhaj ca sab lug cuag Koj;
[Chorus 1]
Tej kws peb ntseeg tej ntawd ruaj khov kho,
Peb yeej ncu ntsoov Koj tshaav ntuj,
Peb yuav qhuas Koj, peb yuav fwm Koj,
Peb tau nyob zoo kaaj sab lug.
[Verse 2]
Vaajtswv, Koj tub paab peb kawg nkaus,
Nwg nuav peb txhus caug pe Koj,
Koj hlub suav dlawg cov hluas cov laug,
Koj khaiv Yexus lug theej txho;
[Chorus 2]
Tswv Yexus tuag sau tug ntoo khaub lig
Nwg tsi khauv xwm Nwg txuj sab,
Peb yuav nyob huv Koj lub xub ndlag
Ib sim neej moog tso sab plhuav
[Verse 3]
Vaajtswv, thov Koj tso tug Ntsuj plig
Kaav taag nrho peb sab peb ntsws
Peb yuav ca NWg kaav huv tuab si,
Peb muab txhua yaam tso rua Nwg;
[Chorus 3]
Peb yuav coj lub neej lawv Koj sab nyam,
Thov Koj qha hab thov Koj ntuag,
Peb yuav nyob huv Koj lub xub ndlag
Ib sim neej moog tso sab plhuav.
