Wo du mol warscht des sieht ma glei so hot die mudder gsaat.
in wirglischkeit do is des so, dass ich blos länger ward.
ja bis ich ufram hot en onnre zwämol renowiert
doch bei mir do isma sicher dasses sich rendiert
die woch hab ich mer vorgenumme, ramschd die bud mol uff
ja bringschde mol doi lehrgud raus, machscht mol e fenschder uf
aschebecher, Pizzaschachdle tragscht du ausem haus
die dreggisch wäsch mol uffen haufe sieht glei gonz onnerscht aus
Gis
die dreggisch wäsch mol uffen haufe sieht glei gonz onnerscht aus.
Mondags noch der ärwet lieg isch uf moim scheslon druf
so lang do platz zum ligge is rahm ich die bud net uff
un grad mondags noch me lange harde wocheend
do ruht ma sich gern aus so wie des jeder von uns kennt
Dinschdags hab ich stammdisch ja do darfschdich net verspäte
do bleibt di wohnung dregisch weil do gibts prioridäde
un iwwerhaupt was häst do dreggisch, do komma dischbediere
wann ich net so genau hie gug muss ich kän Finger riehre
fism
die woch hab ich mer vorgenumme, ramschd die bud mol uff
ja bringschde mol doi lehrgud raus, machscht mol e fenschder uf
fism
aschebecher, Pizzaschachdle tragscht du ausem haus
die dreggisch wäsch mol uffen haufe sieht glei gonz onnerscht aus
Ais
die dreggisch wäsch mol uffen haufe sieht glei gonz onnerscht aus.
Mittwochs owens such ich moin schlissel jetzt schun e halwie stun
a hätt ich ordnung wär die sucherei bestimt schun rum
awwer um so besser sich der schlisselbund versteckt
um so greser is die Fräd wonn man am schluss entdeckt
Dunerschdagsfoind ich mit glick die Fernbedienung glei
un dezu e Dutt mit Chips des gränzt on Zauberei.
Wann jetzt was gscheids im Fernseh laft wärd heit nix mehr bassiere
wonn da de himmel so e zeiche schickt des darfscht net ignoriere
fism
Freidagsowends wo ich do hock do sieht ma des ganz klar
ja eigentlich wars ugemietlich wies letscht mol sauwer war
fism
die woch is rum sìs nix bassiert die ärwet hämma gspart
ma sieht halt immer wu ma warn hot schun die mudda gsat
ma sieht halt immer wu ma warn hot schun die mudda gsat.
