[Intro]
[Verse]
Tell me fit was on yer road, ye roarin Norland wind?
As ye come blawin frae the land that s never frae ma mind
Ma feet they traivel England, but I m deein for the North
Ma man, I saw the siller tides run up the Firth o Forth
[Verse]
And wind, I ken them weel eneuch an fine they fa and rise
Fain I d feel the creepin mist on yonder shore that lies
But tell me as ye pass them by, fit saw ye on the way?
Ma man, I rocked the rovin gulls that sail abin the Tay
[Verse]
Bit saw ye naethin leein wind afore ye come tae Fife?
For there s muckle lyin yont the Tay that s mair tae me nor life
Ma man, I swept the Angus braes that ye hivna trod for years
Oh wind, forgie a hameless loon that canna see for tears
[Instrumental]
[Verse]
And far abin the Angus straths I saw the wild geese flee
A lang, lang skein o beatin wings wi their heids toward the sea
And aye their cryin voices trailed ahint them on the air
Oh wind, hae mercy, haud your wheesht for I daurna listen mair
[Verse]
And far abin the Angus straths I saw the wild geese flee
A lang, lang skein o beatin wings wi their heids toward the sea
And aye their cryin voices trailed ahint them on the air
Oh wind, hae mercy, haud your wheesht for I daurna listen mair