[Verse 1]
koa soafn is am heisl und ka klopapier is do, riding on an oebb train.
bis da foahrscheinautomat wos ausspuckt, foahrt da zuag scho oa, riding on an oebb train.
an da kassa zwoa japaner quargeln scho a viertelstund, riding on an oebb train.
a pensionistin kauft a vorteilskartn für ihrn schäferhund, riding on an oebb train.
um an sitzplatz muast di rafn und des wosser teier kaffn, und die klimaanlag is scho wieda hien.
wiesawie hob i an bleadn, der hot niemand sonst zum redn, und sei neicher bester freind des bin jetzt i.
des wiard a lange foart, des wiard a lange foart.
[Verse 2]
da schaffna gibt koa zeitung hear, de sein für’d erste klass! riding on an oebb train.
am gang sechzehn rapidler, führ’n se auf wie bei am G’schnas. riding on an oebb train.
nach zehn minuten san ma scho a halbe stund zu spät, riding on an oebb train.
da schaffna red uns ein, dass er des eh no aufholn tät, lying on an oebb train.
da mistkübel ist voll und die schiebetür is hin, da mann mim wagerl foart ma in mei knie,
ausm heisl nebelts ausa, weil gr’ad wieda ana tschikt, und die rapidler sein schon längst beim achten bier,
des wiard a laute foart, des wiard a laute foart.
[Verse 3]
zwoa schulklassn aus mödling packen jausenbrote aus, riding on an oebb train.
und hurchen dazu hip hop, heavy metal, punk und house, riding on an oebb train.
jetzt warats endlich gmiatlich, losst da schäferhund an schaas, riding on an oebb train.
und am gang gebn die rapidler mit dem jägermeister gas, speibing on an oebb train.
da schaffna redet englisch, weil deitsch kann des nit sein, da schäferhund, der trenscht in mein kaffee,
jo wo kriagt ma so an abenteuer um an so an preis, von attnang-buchheim bis zum bodensee,
des is a geile foart, des is a geile foart!
riding on an oebb train!
