Album: Muddhriche (2013)
|
|
LUI: Sotta na chianta te chiapparu
nascìu sta storia d amore
quanno se cchiara ncua-a-ti
la Pantalea cu lu Tore
erano nu giurno d esta-a-te
lu sole bbinchiava n capu
s ine cuglire le marangiane
lu Tore facia lu macu
LUI: Chicate, chicate Pantalea,
ca t aggiu ddare na cosa
teni stu fioru te chiapparu
bbia ulutu esse na rosa
LEI: Tore nu fare lu fe-ssa,
ca sta mme guarda la ge-nte
e nciole picca cu vi-i-cia
e nciole nenti cu sente
LUI: a misi e misi ca spettu
ca sta te fazzu la fila
ia ulutu te fermu n attimu,
ma nun te viciu mai sola
LEI: lassame, lassame scire,
cuglime ste marangiane
poi te la tau la rispo-o-sta
torna tra do settimane
LUI: do settimane sò longhe
e ieu nun pozzu spettare
ciole gnu u cu sireta
nde dicu ieu dò parole
LEI: sirema nun vole ssente,
mauma nun pote are,
sentime mie: rassegnate
e llassame, llassame stare
LUI: Ieu non te lassu chiù in pace
ieu nun te mollo mai mai,
ci nun lo sentu te vucca tua
ca dici ca nun me oi
(assolo di fisarmonica)
|
|
LUI: la Pantalea rrusecao:
LEI: eh,
nun pozzo dire sta cosa
quistu è nu fioru te chiapparu
ma sia che m e datu na rosa
passa stasera de casa mea
passa e famme nu segna-le
sirema nun vole sente, ma
vidimu ci se pò fare
LUI: cu cogli le marangiane
l ore nun passane mai
ma per lu Tore ddu giu-u-rno
gh è diventatu già crai
INSIEME: ci sape comu è spiccia-ta,
com è ch è sciuta a finire
ognuno disse la so-o-a
nc è ci li vitte partire
sotta na chianta te chiapparu
nascìù sta storia d amore
m addò so sciutì ddi tempi ormai,
(slow down)
e la Pantalea cu llu Tore
|
x2
|
